“Yuventus” klubi himoyachisi Aleks Sandro “Milan”ga qarshi kechgan Italiya Superkubogi uchun uchrashuvda jarohat orttirib olgan. Braziliyalik futbolchi birinchi bo'limning o'rtasida maydonga tark etishga majbur bo'lgandi. Tuttosport nashrining ma'lumotiga ko'ra, Sandro sonidan jarohat olgan hamda ikki-uch haftaga safdan chiqqan. “Yuventus” o'zining rasmiy saytida futbolchining jarohatini tasdiqladi, ammo tiklanish muddatini e'lon qilmadi. Ushbu mavsumda Sandro Italiya chempionatining 17ta o'yinida maydonga tushib, bitta gol hamda to'rtta golli uzatmaga mualliflik qilgan.
— deya xabar beradi uff.uz nashri.