FIFA tomonidan jahon chempionati ishtirokchilari soni 48 jamoaga etkazilishi imkoniyatlari ko'rib chiqilmoqda.
Tahlilchilar tomonidan bu borada 64 sahifadan iborat doklad tayyorlangan va unda JChda jamoalarni 16 guruhga bo'lish eng qulay yo'l ekani aytilgan. Har bir guruhda uchtadan jamoa bo'ladi. Ushbu o'zgarishlar 2026 yilgi jahon chempionatida amalga oshirilishi mumkin.
Yangi formatga ko'ra pley off bosqichi 1/16 finaldan boshlanadi va 32 kun davomida 80 ta uchrashuv o'tkaziladi. Har bir o'yin ishtirokchi jamoa joylashgan davlat uchun imkon qadar qulay vaqtga joylashtiriladi. Shu tariqa translyatsiyalar faolligi oshirilishi ko'zda tutilgan.
Jahon chempionati shunday formatda o'tkazilgan taqdirda daromad yana 20 foizga oshishi mumkin. FIFA tadqiqotiga ko'ra daromad yana 640 million dollarga oshishi kutilmoqda.
Eslatib o'tamiz, Rossiyada bo'lib o'tadigan JCh davomida 5,5 milliard dollar daromad qilinishi kutilmoqda. Yangi formatda esa 6,5 million dollar pul ishlanishi mumkin. Shu bilan birga tashkilotchilik bilan bog'liq harajatlar 2 milliarddan 2,3 milliard dollarga oshishi mumkin.
— deya xabar beradi uff.uz nashri.