Yangi mavsumga tayyorgarlik ko'rayotgan  jamoamiz 28 dekabr chorshanba kuni G'uzorning “Sho'rtan” jamoasi bilan ikkita nazorat uchrashuvi o'tkazadi. Nazorat uchrashuvlari “Markaziy” stadion yonidagi mashg'ulot maydonida bo'lib o'tadi. Nazorat uchrashuvlari soat 11:00da va 13:00ga mo'ljallangan. Jamoamiz tarkibidagi o'zgarishlarga to'xtaladigan bo'lsak, hozircha jamoamizni Fozil Musaev rasman tark etgan. Ushbu futbolchi Yaponiya klubi bilan yangi shartnoma imzolagani haqida xabar berib o'tgan edik. Jamoamiz tarkibida boshqa o'zgarishlar bo'lgani yo'q. Shu kunlarda shartnoma muddati tugagan futbolchilar bilan yangi shartnomalar tuzish borasida muzokaralar davom etmoqda. O'zingizga ma'lum, jamoamiz 31 yanvar kuni OChL-2017 o'tish bosqichidagi uchrashuvni Baxraynning “Al-Hidd” jamoasiga qarshi o'tkazadi. Uchrashuv Toshkentdagi “Bunyodkor” stadionida soat 16:00da boshlanadi.  
— deya xabar beradi uff.uz nashri.