Londonning "Chelsi" klubi "Manchester Siti" darvozaboni Jo Xartga qiziqish bildirmoqda. Agar Tibo Kurtua "Chelsi"dan ketadigan bo'lsa, uning o'rniga ayni vaqtda "Torino"da ijara asosida to'p surayotgan Jo Xart sotib olinishi mumkin.
Kurtua yozda "Real"ga o'tishi kutilmoqda. Shu bois yaqin vaqtlar ichida "Chelsi" va "Manchester Siti" Jo Xart bo'yicha muzokara boshlashi mumkin. Eslatib o'tamiz, Xartga "Liverpul"dan ham qiziqish bor.
Jo Xart joriy mavsum "Torino" safida 16 o'yinda maydonga tushdi va 23 ta gol o'tkazib yubordi.
— deya xabar beradi uff.uz nashri.