Ukrainaning "Vorskla" klubi yarim himoyachisi Sanjar Tursunov nima sababdan O'zbekiston terma jamoasiga chaqirilmayotganini bilmasligini aytib o'tdi.
- Nima uchun sizni O'zbekiston terma jamoasiga chaqirishmayapti?
- Bilmayman, bunga sabab nimadaligi men uchun noma'lumku, ammo uch oydan beri termaga chaqirishmayapti... Bosh murabbiy Samvel Babayan bilan gaplashib olganim yo'q. Shunchaki chaqirmay qo'yishdi, tamom, vassalom. Oxirgi marta mart oyida chaqirishgandi, keyin esa tanaffus bo'ldi va sentyabrdan boshlab chaqirmay qo'yishdi. Babayan bilan ko'rishib qolsam, nimaga chaqirmaganini so'rab ko'raman.
- O'zbekiston terma jamoasi JCh saralashida Janubiy Koreyani 1:0 hisobida yuta turib, mag'lubiyatga uchradi. Biroq mundial yo'llanmasi uchun yaxshi imkoniyatga ega bo'lishlari mumkin edi...
- Adolat yuzasidan aytish lozim, koreyaliklar golli vaziyatlarni ko'p yaratishdi, ammo o'yin borasida biznikilar ham yomon o'ynagani yo'q. Bizga biroz omad etmadi. Koreyaliklar esa tajriba hisobiga yutib ketdilar. Ularning bir necha futbolchisi Angliya Premer ligasida o'ynaydi - Son Xon Min, Li Chon Yon, Ki Son Yon. Umuman, koreyaliklar bilan bo'ladigan o'yinlarimiz har doim o'zgacha o'tadi. Uyda yaxshi o'ynaymiz, biroq safarda har doim rikoshetlar tufayli tasodifiy gollar o'tkazib yuboramiz. Endi uyda Janubiy Koreyani engish kerak.
- O'zbekiston terma jamoasi kuch jihatidan Osiyoda beshinchi yoki oltinchi o'rinda tursa kerak?
- To'rtinchi o'rinda. Yaponiya, Janubiy Koreya va Avstraliyadan so'ng.
- Unda nima uchun O'zbekiston terma jamoasi biror marta ham mundialga chiqa olmadi.
- O'tgan safar bizga faqat bitta gol etmay qolgan edi. Janubiy Koreya terma jamoasi so'nggi turda Erondan 0:1 hisobida mag'lubiyatga uchradi. Durang o'ynashganda Braziliyaga Eron emas, biz ketardik, - deydi Tursunov.
— deya xabar beradi uff.uz nashri.