"Barselona" hujumchisi Neymar jamoadoshlari Lionel Messi, Luis Suares va Andreas Inesta haqida fikrlarini bildirib o'tdi.
"Biz birgalikda yangi tarix yaratmoqdamiz va buni o'zimiz ham bilamiz. Maydonda xursandchilikni davom ettirib, hamjihat bo'lib qolishni istaymiz.
Ular bilan birga to'p surish - ulkan sharaf. Aslida bu biroz g'alati, chunki men braziliyalikman, Messi argentinalik va Suares urugvaylik. Janubiy Amerikada biz raqiblarmiz, ammo do'st bo'lib qolmoqdamiz. Bir birimizga hazil qilamiz. Futbolda shunday insonlar borligidan xursandman.
Inesta - men ko'rgan yarim himoyachilar orasida eng yaxshisi. Uning o'yini hayratga solishda davom etadi. Boshqa hech narsa deya olmayman. Uni hech kim bilan solishtirib bo'lmaydi. Chunki u boshqacha", - deydi Neymar.
— deya xabar beradi uff.uz nashri.