So'nggi yillarda jamoamiz tashbbusi bilan “Siz “Qo'qon-1912” jamoasida o'ynashni xohlaysizmi?” deb nomlangan turnir o'tkazilib kelinmoqda. Bu yil ham ushbu an'ana davom ettirildi. Kecha “Markaziy” o'yingohda to'rtta jamoa ishtirokida ana shunday musobaqa tashkil etildi. Ushbu kichik turnirni jamoamiz rahbarlari, bosh murabbiy No''mon Hasanov va o'rinbosarlarimiz murabbiylari katta qiziqish bilan kuzatib borishdi. Bu bejiz emas albatta. Aynan mazkur musobaqada o'zining iqtidorini namoyish eta olgan yoshlar, o'rinbosarlarimiz bo'lajak yig'inlariga taklif etiladi. So'nggi yillarda “Qo'qon-1912” jamoasi bolalar futboliga jiddiy e'tibor qaratmoqda. Ayni damda klubimiz qoshida bir nechta futbol maktablari faoliyat olib bormoqda. Buning samarasi ularoq, jamoamiz har yili yangi futbolchilarni kashf etishni odatga aylantirgan. Uylaymizki, ushbu yoqimli an'analar yangi mavsumda ham davom etadi.
— deya xabar beradi uff.uz nashri.