“Manchester Yunayted” jamoasi bosh murabbiyi Joze Mourino Antoni Marsyal muammolari haqida so'zlar ekan, Genrix Mxitaryanni misol qilib ko'rsatdi. “Har bir futbolchi – antiqa. Menda Marsyaldan ko'ra Mxitaryan bilan qiyinroq vaziyat bo'ldi. Lekin Genrix o'zini ochiq his etib, men va boshqa murabbiylar o'rtasidagi farqni tushunib etdi. APL, Ukraina va Germaniya chempionatlari o'rtasida farq bor va ularning har biri o'z falsafasi bilan ajralib turadi. Genrix ko'p ishladi. U maydonga tushmagan bo'lsa-da, mehnat qilishdan to'xtamadi va yuqori darajaga etdi. Marsyal juda-juda yosh va ko'pchilik buni unutib qo'ymoqda. Bu mavsum unga qiyinroq bo'ldi, ammo u ishlashda davom etsa, kerakli natijaga erishadi”, – dedi portugaliyalik mutaxassis. 
— deya xabar beradi uff.uz nashri.