Madridning "Real" klubi hujumchisi Krishtianu Ronaldu Globe Soccer Awards tomonidan 2016 yilning eng yaxshi futbolchisi deb tan olinganiga munosabat bildirdi.
"Jamoaviy va individual jihatdan bu yil menimcha faoliyatimdagi eng yaxshisi bo'ldi. Men "Real" bilan Chempionlar ligasi va klublar o'rtasidagi jahon chempionatida g'olib chiqdim, Portugaliya terma jamoasi esa tarixda birinchi bor Evropa chempioni bo'ldi.
Yana men "Oltin to'p"ni yutib oldim. Bundan ortig'ini so'ray olmayman.
Menga, "Real"ga va Portugaliya terma jamoasiga ishonmagan tanqidchilar uyalib qolishdi. Biz barcha narsani yutib oldik", - deydi Ronaldu.
— deya xabar beradi uff.uz nashri.