Bugun “Nasaf” jamoasi yangi mavsumga tayyorgarliklarning dastlabki bosqichi yakunida G'uzorning “Sho'rtan” jamoasi bilan ikkita nazorat uchrashuvi o'tkazdi. Nazorat uchrashuvlari “Markaziy” stadion yonidagi mashg'ulotlar maydonida bo'lib o'tdi. Dastlabki nazorat uchrashuvida murabbiylar asosan asosiy tarkib o'yinchilarini maydonga tushirishdi. Birinchi bo'lib uchrashuvdagi hisobni “Sho'rtan” jamoasi ochgan bo'lsada, oradan uch daqiqa o'tib Shaxboz Erkinov penaltidan hisobni tengalashtirdi. Oradan olti daqiqa o'tib yana mohir hujumchimiz o'zining ikkinchi golini kiritdi va hisobni 2:1 ga o'zgartirdi. Uchrashuvdagi jamoamizning yana bir golini Farruh Sayfiev kiritdi. “Sho'rtan” jamoasining uchrashuvdagi ikkala goliga ham G'ulom Rahmonov mualliflik qildi. Shunday qilib, birinchi nazorat uchrashuvi 3:2 hisobida jamoamiz foydasiga hal bo'ldi. 1-nazorat uchrashuvi. 28.12.2016 “Nasaf” (Qarshi) – “Sho'rtan” (G'uzor)  3:2 (2:1) Gollar: Shaxboz Erkinov (pen.) 30’-1:1, 36’-2:1, Farruh Sayfiev, 83’-3:2 - G'ulom Rahmonov, 27’-0:1, 68’-2:2 Ikkinchi nazorat uchrashuvida murabbiylar asosan yosh futbolchilarni maydonga tushirishdi. Shunisi e'tiborliki, bu uchrashuv birinchi uchrashuvga nisbatan qiziqarliroq va gollarga ham boy bo'ldi. Navbatdagi nazorat uchrashuvidagi jamoamiz gollarini Bobir Abduxoliqov (2), Dilshod Xushbakov (2), Sirojiddin Qo'ziev va Islom Rashidxonovlar kiritishdi. “Sho'rtan” jamoasining uchrashuvdagi yagona golini Ixtiyor Pardaev kiritdi. Ikkinchi nazorat uchrashuvida jamoamizda ikki nafar yangi o'yinchi harakat qildi, bular “Qo'qon-1912” jamoasi o'rinbosarlari tarkibi o'yinchisi, darvozabon Aziz Isoqov va birinchi liga vakili “Kosonsoy” jamoasining hujumchisi Anvar Xojimirzaevdir. “Nasaf” jamoasi ikkinchi nazorat uchrashuvida “Sho'rtan” jamoasini yirik 6:1 hisobida mag'lubiyatga uchratdi. 2-nazorat uchrashuvi. 28.12.2016 “Nasaf” (Qarshi) – “Sho'rtan” (G'uzor) 6:1 (1:0) Gollar: Bobir Abduxoliqov (pen.), 6’-1:0, 60’-3:0, Dilshod Xushbakov (pen.), 49’-2:0, 70’-4:0, Cirojiddin Qo'ziev (pen.), 82’-5:1, Islom Rashidxonov, 89’-6:1 – Ixtiyor Pardaev, 73’-4:1.
— deya xabar beradi uff.uz nashri.