Avval xabar berib o'tkanimizdek, bugun "Navbahor"ning dastlabki yig'ini yakuniga etdi. Uychining “Xotira-79” jamoasiga qarshi bo'lib o'tgan nazorat o'yinidan keyin bosh murabbiy Ilhom Mo'minjonov mashg'ulotlarda qatnashgan bir qator futbolchilarga javob berganligini ma'lum qildi.
Murabbiylar shtabining qaroriga ko'ra Azizbek Mamazoyitov, G'ayrat Jo'raev, Akmal Ortiqov va Bilol Sharofiddinovlarni boshqa jamoalarga o'tishlari mumkinligi e'tirof etildi. Uchrashuvdan oldin esa yig'inda qatnashgan Amir Ergashev va Shohjahon Abbosovlarga ham javob berilgandi. Ilhom Mo'minjonov ayni paytda bir qator futbolchilar bilan muzokaralar olib borilayotganligini ham aytib o'tdi. Murabbiyning so'zlaridan Toshkent yig'inida jamoaga taklif etilgan o'yinchilarni tarkibga qo'shilishi oydinlashdi.
— deya xabar beradi uff.uz nashri.