KONKAKAF prezidenti Viktor Montalyanining aytishicha, Kanada, AQSh va Meksika futbol mutasaddilari kelgusi yili uchrashib, futbol bo'yicha 2026 yilgi jahon chempionatiga birgalikda mezbonlik qilish masalasini muhokama qilishadi.  O'z navbatida, FIFA 2017 yil yanvar oyida jahon chempionati final qismi ishtirokchilari sonini 32 dan 48 ga oshirish masalasini ko'rib chiqadi. Umumiy mezbonlik uchun talabnoma yuborish ehtimoli katta. Biz yaxshi tushunamizki, bir davlatning yakka mezbonlik qilishi o'ta murakkab. Lekin, nima bo'lganda ham, 2026 yilgi jahon chempionati KONKAKAFga a'zo mamlakatlarda o'tadi deb, umid qilamiz, dedi Montalyani.
— deya xabar beradi uff.uz nashri.