«Tottenxem» hujumchisi Son Xin Min bilan Frantsiya chempioni jiddiy ravishda qiziqmoqda. “London Evening Standard” nashri ma'lum qilishicha, “PSJ” o'z tarkibini 24 yoshli koreys futbolchisi bilan kuchaytirmoqchi. Son “taqachilar” safigacha 2015 yilning yozida “Bayer” klubidan 30 million evro evaziga o'tgandi. Uning londonliklar bilan tuzilgan shartnomasi 2019/20 yilgi mavsum yakunida nihoyasiga etadi. Joriy mavsumda Son APLda 14 o'yinda maydonga tushib, 5 gol muallifi bo'lgan. Shuningdek janubiy koreyalik futbolchi Chempionlar ligasida 6 uchrashuvda ishtirok etdi va raqiblar darvozasini 1 marta ishg'ol etdi. 
— deya xabar beradi uff.uz nashri.