O'zbekiston Oliy ligasining 28-turidan o'rin olgan “Dinamo” hamda “Nasaf” klublari o'rtasidagi uchrashuv o'z nihoyasiga etdi. Unda jamoalar murosa ko'chasini tanlashdi. Dastlabki bo'limda “Nasaf”da bir qancha vaziyatlar bo'lganiga qaramay, tanaffusga qadar 0:0 hisobi o'zgarmadi. Ikkinchi bo'limning 67-daqiqasiga kelib, Kamoliddin Murzoev maydon egalarini hisobda oldinga olib chiqdi. Oradan 10-daqiqa o'tgach esa, “Nasaf” Ilhom Shomurodovning hatti-harakatlari evaziga muvozanatni tikladi. Final hushtagiga qadar 1:1 hisobi saqlanib qoldi. Oliy liga, 28-tur “Dinamo” – “Nasaf” 1:1 (0:0, 1:1)
Gollar: 1:0 - 67 K. Murzoev, 1:1 - 77 I.Shomurodov.
“Nasaf”: U.Yusupov, A.Yusupov, Sh.Muxammadiev, M.Karimov, F.Sayfiev, A.G'aniev, Sh.Gadoev, A.Gevorkyan, B.Abduraximov, A.Allaniyazov, I.Shomurodov.
"Dinamo": M. Xudoyorov, I. Mamatkazin, O. Zokirov, H. Asqarov, A. Xolmurodov, F. Shotursunov, A. Agaliev, D. Sharofetdinov, A. Filiposyan, A. Bozorov, K. Murzoev.
— deya xabar beradi uff.uz nashri.