Yangi mavsumga hozirlikni boshlab yuborgan mamlakatimizning amaldagi chempioni – «Lokomotiv» bugun yangi mavsum tayyorgarligi doirasidagi ilk o'rtoqlik uchrashuvini o'tkazdi. «Temiryo'lchilar» jamoasi bugun «Olmaliq»qa qarshi bahs olib borishdi. Qiziqarli ko'rinish olgan bellashuvda «Loko» vakillari zafar quchishdi – 3:1. Diqqatga sazovor jihati shundaki, jamoamiz darvozaboni Ma'mur Ikromov ham penaltidan gol kiritib, o'z nomini tabloga yozdirib qo'ydi. «Lokomotiv» — «Olmaliq» 3:1 Gollar: Gnoxere Krizo 14, 51, Ma'mur Ikromov 62 penalti — Diyor Turopov 53 «Lokomotiv»: Ignatiy Nesterov (Ma'mur Ikromov, 46), Salim Mustafoev (Farrux Ibragimov, 65), Muhammad Gnontcha Kone, Bobur Yo'ldoshev, Oleg Zoteev, Sardor Mirzaev, Temur Kapadze (Islom To'xtaxo'jaev, 59), Ikrom Aliboev, Marat Bikmaev, Sadriddin Abdullaev, Gnoxere Krizo. «Olmaliq»: Xurshid Xodjaev, Xurshid Muxtorov, Temurlan Erlanov, Azizbek Suyunov, Abduqahhor Xojiakbarov, Diyor Turopov, Dilshod Jo'raev, Muhammad Isaev (Bobir Davlatov), Dilshod Raxmatullaev, Doniyor Usmonov, Zabihillo O'rinboev
— deya xabar beradi uff.uz nashri.