Bugun “Andijon” futbol klubida 2016 yilgi mavsum yakunlari bo'yicha yig'ilish bo'lib o'tdi.
Yig'ilishda jamoaning joriy mavsumda o'z oldiga qo'yilgan vazifalarni bajarmaganligi, oqibatda klub 1- tabaqaga tushib ketganligi hamda mutasaddilar tomonidan yoshlar futboliga etarlicha e'tibor qaratilmaganligi muhokama qilindi. Muammolar tahlil qilinib, klub rahbari Ma'ruf Abdusalomov egallab turgan lavozimidan ozod qilindi.
Futbolchilar nomidan so'zga chiqqan Ibrohim Otaxonov jamoaning muvaffaqiyatsizliklariga omil bo'lgan kamchiliklarga to'htalib, keyingi yilgi mavsumda barcha o'yinchilarni hamjihatlikda to'p surishga chaqirdi.
Shundan so'ng jamoa rahbarligiga Jahongir Madixanov tavsiya qilindi. “Andijon” klubining yangi rahbariga jamoani yangi mahoratli o'yinchilar bilan shakllantirish hamda O'zbekiston birinchiligi musobaqalarida muvaffaqiyatli ishtirok etishini ta'minlash vazifasi yuklatildi.
Elmurod Ermatov, Andijon
— deya xabar beradi uff.uz nashri.