Angliya chempionati 2015-16 mavsumi chempioni «Lester Siti» klubi Xalqaro sport nashrlari asotsiatsiyasi (AIPS) talqiniga ko'ra, 2016-yilning eng yaxshi klubi deb topildi. Ovoz berish jarayonida 110 mamlakat jurnalistlari qatnashdilar. «Tulkilar» 20.71 % ovoz to'plagan holda birinchi o'rinni band etgan bo'lsalar, ikkinchi o'rin Evro – 2016 chempioni Portugaliya terma jamoasiga nasib etdi. Uchlikni Chempionlar Ligasi g'olibi Madridning «Real» klubi yakunlab berdi. Shuningdek,  AIPS tashkilotchilik nuqtai nazaridan yilning eng yaxshi sport hodisasini ham aniqladi. Birinchi o'rin Frantsiya mezbonligidagi Evro – 2016 musoboqasiga(28,13%) nasib etdi. Ikkinchi o'rindan Rio-de-Janeyrodagi Olimpiya o'yinlari (25,6%) joy olgan bo'lsa, uchinchi o'rin Amsterdamda o'tgan engil atletika bo'yicha Evropa chempionati musoboqasiga berildi.
— deya xabar beradi uff.uz nashri.