Madridning «Real» klubi hujumchisi Lukas Vaskes va yarim himoyachi Mateo Kovachichlar jarohat sabab bir necha haftani o'tkazib yuboradilar. Marca nashrining xabar berishicha, «Real»ning ikkala futbolchisi ham 2017 yilning ilk haftalarida jamoaga yordam bera olmaydilar. Vaskes klublar o'rtasidagi JChning finalida o'ng boldiridan jarohat olgan bo'lsa, Kovachich chap to'pig'ini shikastlab olgan. Zinedin Zidan shogirdlari 2017 yildagi ilk bahsni 4 yanvar kuni Ispaniya Kubogi 1/8 finali doirasida «Sevilya»ga qarshi o'tkazadilar.
— deya xabar beradi uff.uz nashri.