O'zbekiston Oliy ligasining 28-turidan o'rin olgan “Bunyodkor” hamda “Andijon” klublari o'rtasidagi uchrashuv o'z nihoyasiga etdi. Unda 4:0 hisobi qayd etilib, toshkentliklarning g'alabasi bilan yakunlandi. Birinchi bo'limda o'yinga tashrif buyurgan muxlis gol guvohiga aylanishmagan bo'lishsa, ikkichni bo'limda naqt to'rtta gol kiritildi. Dastlab, o'yinning 58-daqiqasida Zuagi oshirgan to'pni Shodiev qabul qilib oldi va yaqin masofadan darvozaga kuchli zarba yo'llab, hisobni ochdi - 1:0. Oradan 5 daqiqa o'tgach Hamdamov qulay vaziyatga chiqib bordi va osonlik bilan hisobni 2:0ga oshirdi. 72-daqiqaga kelib, Hamdamov raqib darvozasiga uchinchi golni kiritib, dubl qayd etdi. Nihoyat, 79-daqiqada Minori Sato burama zarbasi bilan hisobni yakuniy 4:0 ko'rinishiga keltirdi. Shu tariqa, “Bunyodkor” Toshkentda “Andijon”ni yirik hisobda mag'lub etdi. Oliy liga, 28-tur “Bunyodkor” – “Andijon” 4:0 (0:0, 4:0)
Gollar: 1:0 - 58 Shodiev, 2:0 - 63 Hamdamov, 3:0 - 72 Hamdamov, 4:0 - 79 Sato.
"Bunyodkor": M. Zuhurov, A. Shorahmedov, X. Karimov. A. G'ofurov, Sh. Zuagi, M. Sato, V. Shodiev, Z. O'rinboev, R. Ashurmatov, E. Shomurodov, V. Karpenko.
“Andijon”: G. Moshnyaga, T. Xusanov, D. Tursunov, I. Otaxonov, Sh. Jumaboev, A. Berdiev, R. A'zamov, J. Guseynov, A. Olimov, A. Rahmonov, F. Bekmurodov.
— deya xabar beradi uff.uz nashri.