“Manchester Yunayted” jamoasi hujumchisi Zlatan Ibrahimovich uch futbolchi – braziliyalik Ronaldo va Ronaldino hamda portugaliyalik Krishtianu Ronalduni taqqosladi. “Menimcha Ronaldo eng zo'r futbolchi bo'lgan. Uning yugurishi, driblinglari meni hayratda qoldirardi. U haqiqiy edi. Ronaldoga o'xshaganlar mashg'ulotlar orqali bunga erishmaydi, ular shunday dunyoga keladi. Ronaldino bilan “Milan”da birga to'p surganmiz. Lekin bu uning faoliyatidagi eng yaxshi kunlari bo'lmagan. Shunga qaramay, u bilan maydonda o'ynash menga yoqqandi. Ronaldino istagan futbolchini yosh boladek aldab ketardi. Ronaldu bilan birga o'ynamaganman. Krishtianuning hozirgi darajasi mahorat emas, uzoq yillik mehnat samarasidir”, – dedi shvetsiyalik futbolchi. 
— deya xabar beradi uff.uz nashri.