"Shanxay Telleys" klubi bilan shartnoma imzolagan Odil Ahmedov "Krasnodar"dan ketishi tafsilotlarini so'zlab berdi.
"Menda nafaqat Xitoydan, balki Evropadan ham taklif bor edi. Ammo barchasini o'ylab ko'rib, aynan shu taklifni qabul qilishga qaror qildim. Chunki bu transfer "Krasnodar" uchun maksimal darajada foydali edi.
Xitoy chempionatiga o'tishim - professionallik jihatidan ortga tashlangan qadam, deb o'ylamayman. Chunki u erda hozir dunyoning etakchi o'yinchilari o'ynamoqda. Men Villash-Boash bilan gaplashib oldim, u menga jamoada ro'y berayotgan holat va mening o'rnim haqida so'zlab berganidan so'ng, taklifni qabul qildim.
Afsuski "Krasnodar"dagi jamoadoshlarim bilan hayrlasha olmadim, chunki ta'tildan so'ng ketishga to'g'ri keldi. Menga Galitskiy qo'ng'iroq qildi va biz bir birimizga omad tilab hayrlashdik. Sergey Nikolaevich kabi insonlar Rossiya futboli uchun juda kerak, deb hisoblayman.  U jamoa bilan birga Rossiya chempioni bo'lishini tilayman, chunki u bunga munosib", - deydi Ahmedov.
Eslatib o'tamiz, Odil Ahmedov 2014 yilda "Anji"dan "Krasnodar"ga o'tgan edi. U jamoa safida 101 ta uchrashuvda maydonga tushdi va 7 ta gol urib, 13 ta golli uzatmani amalga oshirdi.
— deya xabar beradi uff.uz nashri.