Madridning «Real» klubi hujumchisi Krishtiano Ronaldu o'tayotgan yil xulosalari va 2017 yildagi maqsadlari bilan o'rtoqlashdi. «Muxlislar har doim bizga ishonishlarini xohlar edim. Men uchun 2016 yil ham «Real», ham Portugaliya terma jamoasi safida orzular yili bo'ldi. Juda bahtiyorman. Ham yakkalik, ham jamoaviy jihatdan unutilmas yil bo'ldi. Umid qilamanki, 2017 yil ham xuddi shunday sovrin va xursandchilikka boy bo'ladi», — deya Ronaldu so'zlarini keltirmoqda madridliklar klubi rasmiy sayti. Eslatib o'tamiz, Ronaldu 2016 yil «Real» safida Chempionlar Ligasi, UEFA superkubogi va klublar o'rtasidagi JCh, Portugaliya safida Evro – 2016 g'olibiga aylandi va «Oltin to'p»ga ega chiqdi.
— deya xabar beradi uff.uz nashri.