"Midlsbro" bosh murabbiyi Aytor Karanka Angliya chempionati 19 turida "Manchester Yunayted"dan uchralgan 1:2 hisobidagi mag'lubiyat haqida fikr bildirdi.
"Mag'lubiyatga uchrash har doim og'ir, ammo biz bu o'yindan kerakli xulosa chiqardik. Biz "Old Trafford"ga keldik va 1:0 hisobida oldinda borayotgan edik. Bunday vaqtda g'alaba qozonish uchun eng yaxshi o'yinni namoyish etish lozim.
Menimcha biz hech bo'lmasa bir ochko ishlashimiz mumkin edi. Hamma juda yaxshi o'ynadi, ammo biz yanada ko'prog'ini namoyish eta olmadik.
Mourino bilan ikkimiz uchun bu juda og'ir vaziyat. Chunki bizni ajoyib do'stlik bog'lab turadi. Har ikkimiz ham g'alaba qozonishni istadik.
Umid qilamanki "MYu" bu yil chempion bo'ladi, biz esa ligada jon saqlab qolamiz", - deydi Karanka.
— deya xabar beradi uff.uz nashri.