"Barselona" klubi rahbariyati "Yuventus" hujumchisi Paulo Dibalani o'z safiga qo'shib olishni istamoqda.
Xabar qilinishicha, kataloniyaliklar Dibala uchun "Real"ga qarshi kurash boshlash harakatida. Biroz vaqt muqaddam argentinalik hujumchi "Real"ga o'tish uchun "Yuventus" bilan yangi shartnoma borasidagi muzokarani to'xtatib qo'ygani aytilgan edi. Ammo Dibala turinliklar bilan 2021 yilga qadar davom etadigan yangi shartnoma imzolagan taqdirda ham yozda Ispaniya klublaridan biriga o'tib ketishi kutilmoqda.
Paulo Dibala joriy mavsum "Yuventus" tarkibida 14 ta o'yinda maydonga tushdi va to'rtta gol kiritdi.
— deya xabar beradi uff.uz nashri.