Tez orada futbolning bir qismiga aylanishi taxmin qilinayotgan texnologiya vositalarini UEFAdagilar vaqtinchalik sinov sifatida baholamoqdalar. Modrich va Ronaldu kabi yulduzlar, rossiyalik hakamlar ham uchashuv davomida yuzaga kelishi mumkin bo'lgan bahsli vaziyatlarga texnikaning aralashuvi maqsadga muvofiq emas, degan fikrdalar. Yangilik tarafdorlari ham, ozmunchani tashkil etishmaydi. Sinov jarayonlari qay tarzda o'tmoqda? Avgust oyida AQShda ilk marta futbolchini videotakror yordamida aniqlangan qoidabuzarlik uchun maydondan chetlatishdi. Sentyabrda tizimni Italiya-Frantsiya o'rtoqlik uchrashuvida sinab ko'rildi. Germaniya, Portugaliya, Avstraliya, Braziliya, AQSh va Gollandiya chempionatlirad yangi yildan boshlab videotakrorlarni to'liq tatbiq etish rejalashtirilgan. Inglizlar yangilikdan Angliya kubogi bellashuvlarida foydalanish niyatidalar. RPL rahbari Sergey Pryadkin ko'plab klublarning talabiga ko'ra, videotakrorlardan foydalanishga qarshi emasligini bildirdi. Keyinchalik Mutko va hakamlar qo'mitasi Pryadkin firklarini rad etishdi - RFI eksperimentda ishtirok etmaydi. FIFA prezidenti Janni Infantino esa JCh-2018 startiga qadar sinovlar tugatilib, Rossiyada sayyoraning eng kuchli jamoasini shubhali penaltilar, chetlatishlar, «ofsaydlar» va simulyatsiyalardan xoli holda aniqlash, hech qanday mojarolarga o'rin qoldirmaslik istagini bildirdi. Sinov jarayoni davom etmoqda, KJChda hakamlar videotakrorga murojaat qilishga ulgurishdi - tomonlarning o'zaro tortishuvini hisobga olmaganda, Viktor Kashshai qisqa fursatda penalti belgiladi. Lekin paragvaylik Enrike Kaseres «Amerika»-«Real» bahsida «ofsayd»ni aniqlash borasida uzoq o'ylanib qoldi. Yangilikni muhokama qilish chog'ida hakamlarning qarshilik ko'rsatishlariga alohida e'tibor qaratish lozimdek ko'rindi. Vaholanki, shu paytga qadar o'tkazilgan sinovlar ularning mushkulini oson qilayotganini isbotlab turibdi. Qo'shimchasiga, simulyatsiya shaydolarini keyinchalik jazolash imkoniyatining mavjudligi ko'pchilikka ma'­qul tushishiga shubha yo'q. O'yinda 1-2 daqiqa uzilish bo'lsada, adaolat tantana qiladi-ku. Buning nimasi yomon? Yangilik xususida ijobiy fikrlar Janni Infantino, FIFA prezidenti: - «Hakam bahsli vaziyatga aniqlik kiritish uchun atigi bir necha soniyaga o'yinni (Italiya-Frantsiya) to'xtatdi. Maxsus assistentlar bu vaqt ichida jarima maydonchasida yuz bergan voqeani takroran ko'rib chiqishdi. Oqibatda penalti belgilanmadi. Futbol uchun bu - tarixiy voqea. 2016 yil o'tib bormoqda. Yangi vositalarni tezroq sinovdan o'tkazib, maromiga etkazish lozim. Umid qilamanki, Rossiyadagi JChda ham videotakrorlarni tahlil qiladigan maxsus mutaxassislar ishtirok etishadi». Sergey Pryadkin, RPL prezidenti: - «Ko'pchilik talab qilayotgan quyidagi taklif bor: har bir uchrashuvda raqib jamoalarga 2-3 marta videotakrorlardan foydalanish huquqi berilsa. Bu bilan o'yinning dinamikasiga putur etmaydi. Gap bellashuv taqdirini hal qilishda muhim ahamiyatga ega bo'lgan nozik jihatlar - darvozaning zabt etilgani, qizil kartochkalar ko'rsatilishi va «ofsayd» holatini aniqlash xususida ketmoqda. Taklifimizni RFI bilan hamkorlikda asoslab berishga harakat qilamiz». Spartak Gogniev, «Kuban» hujumchisi: - «Videotakrorlar RPL uchun foydali, deb hisoblayman. Bahsli munozalarni bartaraf etishga yordam beradi. Lekin futboldagi jozibani susayishiga olib kelishi mumkin. Misol uchun, Maradonaning qo'li bilan urgan goli kabi holatlar takrorlanmaydi. Doimo halollik bo'lishi kerak. Axir futbolchilar natija uchun to'p surishadi. Hakamlikda yo'l qo'yilayotgan kamchiliklarni yangi texnologiyalar yordamida bartaraf etish mumkin. Videotakrorlar doimiy ravishda emas, hal qiluvchi lahzalarda qo'llanilishi kerak. Jamoalarga tennisdagi kabi 3 marta videotakrordan foydalanish huquqi berilsa, zo'r bo'lardi». Videotakrorlar xususidagi salbiy fikrlar Aleksandr Cheferin, UEFA prezidenti: - «UEFA va shaxsan men uchun videotakrorlar tizimi o'ziga xos sinov vazifasini o'taydi. Bu yangilikni UEFA bayrog'i ostida o'tkaziladigan musobaqalarda ulardan foydalanish xususidagi savolga javob berishga hozircha shay emasman. Davomi iff.uz saytida.
— deya xabar beradi uff.uz nashri.