Madridning “Real” jamoasi rekordchilari haqidagi maqolalar turkumining beshinchi qismini e'tiboringizga havola etamiz.
Chempionlar kubogi finalida eng ko'p gol urgan futbolchilar - Alfredo Di Stefano va Ferents Pushkash
Futbol tarixidagi eng kuchli juftliklardan biri bo'lgan Pushkash - Di Stefano dueti ChK finallarida 7 tadan gol urishgan. Argentinalik hujumchi 1956, 1957, 1958 va 1959 yilgi finallarda bittadan gol urgan bo'lsa, 1960 yilgi finalda "xet-trik"ka erishgan. 1960 yili finalda vengriyalik hujumchi esa "poker" qayd etgan. Oradan 6 yil o'tgach Pushkash finalda uchta gol urishning uddasidan chiqqan.
"Real" safida gol urgan eng yosh futbolchi - Alberto Rivera
1995 yilning 10 iyun sanasida "Real"ning "Selta"ga qarshi o'yinida "qirollik klubi" tarkibida Rivera o'z nomini tabloga yozdirib qo'ydi. O'sha paytda Alberto 17 yoshu 114 kunlik edi.
"Real" safida gol urgan eng qariya futbolchi - Ferents Pushkash
1965 yilning 21 noyabr kuni Ispaniya chempionatida "Real"ning "Sevilya"ga qarshi o'yinida Pushkash gol muallifiga aylandi. Ferents darvozani ishg'ol qilgan paytda 38 yoshu 233 kunlik edi.
Eng tezkor "xet-trik" mualliflari - Pepilo II va Krishtianu Ronaldu
Pepilo II 1960 yilning 10 aprel kuni chempionatda "Real Sosedad" bilan uchrashuvda 8 daqiqa ichida uchta gol urgan bo'lsa, 2015 yilning 5 aprelida La ligada "Granada" bilan bellashuvda Krishtianu Ronaldu ushbu ko'rsatkichni takrorladi.
Eng tezkor "poker" muallifi - Krishtianu Ronaldu
Portugaliyalik hujumchi 2015 yilning 8 dekabr kuni Chempionlar ligasining 6-tur o'yinida Shvetsiyaning "Malmo" klubi 8:0 hisobida taslim etilgan o'yinda 20 daqiqa ichida raqib darvozasini to'rt marta aniq nishonga olishga erishdi.
Eng tezkor "penta-trik" muallifi - Pepilo II
1960 yilning 7 fevral kuni Ispaniya chempionatida "Elche" bilan bo'lib o'tgan bellashuvda Madridliklar tarkibida Pepilo II 39 daqiqa ichida 5 marta o'z nomini tabloga yozdirib qo'ygan.
Eng ko'p "xet-trik"ka erishgan futbolchi - Krishtianu Ronaldu
Ronaldu "Real" tarkibida barchasi bo'lib 39 marta "xet-trik"ka erishgan.
Ispaniya chempionatida eng ko'p "xet-trik"ka erishgan futbolchi - Krishtianu Ronaldu
Ronaldu 39 "xet-trik"ning 32 tasini Ispaniya La ligasida nishonlaagan.
Bir mavsumda eng ko'p "xet-trik"ka erishgan futbolchi - Krishtianu Ronaldu
2014/15 yilgi mavsumda KriRo 8 ta uchrashuvda 3 ta va undan ortiq gol urishning uddasidan chiqqan. Davomi Furqat Yusupov blogida.
— deya xabar beradi uff.uz nashri.