“Yuventus” klubi hujumchisi Paulo Dibala turinliklar bilan shartnomasini uzaytirgani haqidagi ma'lumotni inkor etdi. “Men hech narsaga imzo chekmaganman. Ko'ramiz, uyog'iga nima bo'larkin”, – deydi 23 yoshli argentinalik futbolchi. El Mundo Deportivo nashrining ma'lumotiga ko'ra, Dibala “Real”ga o'tishga xohlaydi. O'z navbatida “Yuventus” madridliklarga qimmatroqqa sotish uchun u bilan bitimni 2021 yilga qadar uzaytirishga urinib ko'radi. Dibala bo'yicha kelishuvga “Yuventus”ning transfer maqsadlaridan biri – Xames Rodriges, Isko yoki Mateo Kovachich kiritilishi mumkin. Ayni damda Dibala yiliga 3 million evro ishlab topadi, biroq turinliklar uning maoshiini 5,5 milliongacha oshirishna tayyorlar. Gonsalo Iguain yiliga 7,5 million evro maosh bilan “Yuventus”ning eng ko'p maosh oluvchi futbolchisidir.
— deya xabar beradi uff.uz nashri.