Kecha jamoamizning 2016 yili muhim hodisalari haqidagi maqolamizning birinchi qismini hukmingizga havola etgandik. Unda birinchi davradagi hodisalar o'rin olgandi. Bugun esa fotomaqolamizning ikkinchi qismini taqdim etamiz. Quyidagi maqolamiz orqali 2016 yilning muhim hodisalarini yodga olishga qaror qildik. Birinchi davrani ko'ngildagidek o'tkaza olmagan jamoamiz ikkinchi davra oldidan tarkibni kuchaytirishga jiddiy e'tibor qaratdi. Buning samarasi ularoq safimizga serbiyalik legionerlar – Nikola Valentich va Darko Gojkovichlarni qo'shib oldik. Bu xorijlik himoyachilar o'ziga bildirilgan ishonchlarni ortig'i bilan oqlashdi. Umuman olganda ikkinchi davrada tarkibimizga kelib qo'shilgan futbolchilarning barchasi ishonchli to'laqonli oqlashdi. Bu esa davralar oralig'idagi selektsiya ishlari a'lo darajada bo'lganidan dalolat beradi. Ibrohim Rahimov va ikkinchi davrada “Qo'qon-1912″dan taklif oldi. Uning bir necha yillik tanaffusdan keyin Qo'qonga qaytishini muxlislar xursandchilik bilan qarshi olishdi. Ikkinchi davra oldidan “Markaziy” stadionda ikkinchi davra oldidan safimizga kelib qo'shilgan o'yinchilarni ommaga tanishtirish marosimi bo'lib o'tdi. Unda so'zga chiqqan jamoamiz ustozi No''mon Hasanov muxlislarni quvontirishga va'da bergandi. Yakunda shunday bo'ldi ham. Qo'qonlik ishqibozlar jamoamiz ko'rsatgan o'yinlardan zavq olishdi. Mamlakatimizning nomdor jamoasi – “Paxtakor” yana Qo'qonda ikki ochko yo'qotdi. Yana bir yosh futbolchimiz Avaz Mamatxo'jaev ikkinchi davrada o'zini ko'rsatdi va yil kashfiyotlaridan biri bo'ldi. Vodiy derbisida “Andijon” safarda yana dog'da qoldirildi. Aynan mana shu g'alaba futbolchilarimizga ruhiy dalda bo'ldi. O'ziga bo'lgan ishonch ortdi. Bu yilgi mavsumda ko'plab jamoalar Navoiyda “Qizilqum”ga qarshilik ko'rsata olishmadi. Jamoamiz esa safarda “Oltin izlovchilar” bilan durang o'ynshga muvaffaq bo'lishdi. Xuddi oldingi mavsumdagi kabi – “Metallurg” Qo'qondan mag'lub holda ortga qaytishga majbur bo'ldi. “Neftchi”ning dog'da qoldirilishi ham muxlislarimizni quvontirgani bor gap. Nihoyat, “So'g'diyona”ga qarshi omadsiz o'yinlarimiz yakunlandi. Jizzaxdan bir ochko bilan qaytdik. O'zining ajoyib harakatlari bilan muxlislar mehrini qozongan Javohir Sidiqov ham mavsum kashfiyotlaridan biri bo'ldi. Bu futbolchimiz so'nggi ikkita o'yinda raqiblar darvozasini ishg'ol etdi. Mavsum so'nggidagi quvonchli lahzalar jamoamiz Oliy ligadagi oxirigi beshta uchrashuvda mag'lubiyatga uchramadi va chempionatni yuqori notada yakunladi. Xuddi jamoamiz a'zolari kabi muxlislarimiz yildni yuqori kayfiyatda yakunlashdi.
— deya xabar beradi uff.uz nashri.