Bugun Angliya Premer-ligasining 20-tur uchrashuvlariga start beriladi. Doimgidek, bir qator qiziqarli o'yinlar muxlislar e'tiboriga havola etiladi. Jumladan, turni "Midlsbro" - "Lester" o'yini ochib beradi. Agar ikki jamoaga ham g'alaba kerakligini inobatga olsak, bahs shiddatli o'tishi turgan gap.
Mazkur o'yindan keyin "Manchester Siti" jamoasi o'zida "Byornli"ni qabul qiladi. "Liverpul" bo'lsa safarda "Sanderlend" mehmoni bo'ladi. Etakchilar uch ochko uchun maydonga chiqishadi.
Joze Mourinyuning "Manchester Yunayted" klubini "Vest Xem"ga qarshi oson bo'lmagan o'yin kutmoqda. "Arsenal" bu safar "Bornmut" uyida o'z omadini sinab ko'radi.
Bu turda markaziy o'yin bor. Unda "Tottenxem" jamoasi hamshahari "Chelsi"ni kutib oladi. London derbisiga qiziqish ancha yuqori. Sababi, ko'pchilik futbol mutaxassislari bu o'yinda Konte shogirdlarining ochko yo'qotishlarini taxmin qilmoqda.
Ushbu tur anonsi bilan tanishing: 20-tur 02.01.2017 17.30   Midlsbro - Lester 20.00   Everton - Sautgempton 20.00   Manchester Siti - Byornli 20.00   Sanderlend - Liverpul 20.00   Vest Bromvich - Xall Siti 22.15   Vest Xem - Manchester Yunayted 04.01.2017 00.45   Bornmut - Arsenal 01.00   Kristal Pelas - Suonsi 01.00   Stok Siti - Uotford 05.01.2017 01.00   Tottenxem - Chelsi
— deya xabar beradi uff.uz nashri.