Angliya chempionati 20-turidan o'rin olgan “Liverpul” va “Sanderlend” o'rtasidagi o'yin yakuniga etdi. Unda 2:2 hisobidagi durang qayd etildi. Uchrashuvning 19-daqiqasida Daniel Starrij hisobni ochgan bo'lsa, 25-daqiqada Jermeyn Defo penaltidan gol urib, muvozanatni tikladi. 72-daqiqada Sadio Mane mersisaydliklarni oldinga olib chiqdi. Ammo ko'p o'tmay “Sanderlend” jarima zarbasini ishlab oldi. Zarbadan so'ng to'p “Liverpul” jarima maydonchasida o'rnatilgan “jonli devor”da turgan Manening qo'liga tegdi. Uchrashuv bosh hakami yana penalti belgiladi. Jermeyn Defo mo'ljalda adashmadi va hisobni yana tenglashtirdi.  Shu tariqa 2:2 hisobi qayd etildi. Angliya chempionati, 20-tur Sanderlend – Liverpul 2:2
Gollar: 0:1 – 19 Starrij, 1:1 – 25, penalti Defo, 1:2 – 72 Mane, 2:2 – 84, penalti Defo.
Sanderlend – Mannone, Lav, Jiloboji, van Anxolt, O′Shi, Roduell (Mankilo, 65), Larsson, Ndong, Yanuzay (Xazri, 79), Defo, Borini.
Liverpul – Minole, Klavan, Klayn, Lovren, Milner (Moreno, 46), Jan, Lallana, Firmino, Veynaldum (Origi, 73), Mane, Starrij (Leyva, 80).
Ogohlantirishlar: Roduell (13), Milner (30), Larsson (51), Mane (83).
— deya xabar beradi uff.uz nashri.