Bugun Madridning «Real» klubi 2017 yildagi ilk mashg'ulotini o'tkazdi, deya xabar qilmoqda «qirollik klubi» rasmiy sayti. Madridliklar klubi 4 yanvar kuni Ispaniya Kubogi 1/8 finali doirasida «Sevilya»ga qarshi maydonga tushadilar. Mashg'ulotlarda «Kastilya» vakillari Entso Zidan va Martin Edegorlar ham qatnashdilar. «Qaymoqranglilar» asosiy e'tiborni to'p bilan ishlashga qaratdilar, yana pressing va to'pni nazorat qilish bo'yicha turli xil mashqlar bajarildi. Mashg'ulotlarda jarohatini tiklayotgan Garet Beyl, Lukas Vaskes va Mateo Kovachich ishtirok etmadilar.
— deya xabar beradi uff.uz nashri.