"Shaxter" himoyachisi Dario Srna "Barselona" tomonidan taklif qilingan shartnomani imzolashga shoshilmayapti.
Xabar qilinishicha, 34 yoshli futbolchi shartnomada ko'rsatilgan maosh kamligi bois "Barselona"ga o'tishga ikkilanmoqda. Srna "Shaxter"da ancha ko'proq daromad qiladi. Boz ustiga Ispaniyada soliq qiymati Ukrainadagidan ancha ko'proqni tashkil etadi.
Srna "Barselona"dagi hamyurti Ivan Rakitich nisbatan ancha ko'proq maosh olishini yaxshi biladi. Himoyachi ta'til vaqtida "Barselona" sport direktori Robert Fernandes bilan aloqada bo'lib turibdi. Mutasaddi o'z navbatida "Barselona" bundan ortiq maosh taklif eta olmasligi va Srnaning o'zi qaror qabul qilishi lozimligini aytib o'tgan.
— deya xabar beradi uff.uz nashri.