Kievning "Dinamo" klubi va O'zbekiston terma jamoasi sobiq hujumchisi Maksim Shatskix murabbiylik faoliyatini Ukraina chempionati ikkinchi ligasida davom ettirishi mumkin.
Ayni vaqtda "Dinamo"ning 19 yoshgacha bo'lgan futbolchilardan iborat jamoasida yordamchi murabbiy sifatida faoliyat olib borayotgan Shatskix "Niva-V" klubini boshqarish istagini bildirgan va bu holatga jamoaning faxriy prezidenti Vasiliy Vovk munosabat bildirdi.
"Maksim Shatskix - futbolchi sifatida ancha taniqli inson, ammo murabbiy sifatida emas. U yaxshi o'yinchi va yaxshi inson. Men u bilan shaxsan tanishman. Maksim darhaqiqat "Niva"da murabbiylik qilish istagini bildirgan.
Ammo u "Niva-V" yoki boshqa biror jamoani boshqarishni xohlashini aniq aytmagan. Shu sababli Shatskixni nomzod sifatida ko'rib chiqmoqdamiz, ammo u bilan muzokara boshlaganimiz yo'q", - deydi Vasiliy Vovk.
— deya xabar beradi uff.uz nashri.