Angliya chempionati 20-turidan o'rin olgan «Bornmut» – «Arsenal» uchrashuvi o'z nihoyasiga etdi. Ushbu uchrashuvda «Arsenal» 0:3 hisobida ortta borayotib, oxir-oqibat hisobni tenglashtirishga muvaffaq bo'ldi. Uchrashuvning 16-daqiqasida mezbonlar vakili Charli Deniels hisobni ochgan bo'lsa, oradan to'rt daqiqa o'tib Kallum Uilson farqni ikkitaga oshirdi. 58-daqiqada Rayan Freyzer hisobni 3:0 ko'rinishiga keltirdi. «Arsenal»ning ketma-ket hujumlari 70-daqiqada o'z samarasini berdi, Aleksis Sanches Jiruning to'p uzatishidan so'ng hisobni qisqartirdi. Uchrashuvning 75-daqiqasida Lukas Peres hisobni 2:3 ko'rinishiga olib kelgan bo'lsa, hakam tomonidan qo'shib berilgan daqiqalarda Olive Jiru londonliklarni mag'lubiyatdan qutqarib qoldi. Angliya chempionati. 20-tur Bornmut – Arsenal 3:3 (2:0, 1:3) Gollar: 1:0 – 16 Deniels, 2:0 – 20, penalti Uilson, 3:0 – 58 Freyzer, 3:1 – 70 Sanches, 3:2 – 75 Peres, 3:3 –90(+2) Jiru. Bornmut – Boruts, Kuk, Deniels, Frensis, Ake, Arter, Gosling, Freyzer (Smit, 68), Stanislas, King (Serman, 63), Uilson (Smit, 90). Arsenal – Chex, Mustafi, Monreal, Belerin, Koselni (Gabriel, 64), Koklen (Oksleyd-Chemberlen, 28), Djaka, Sanches, Remzi, Ivobi (Peres, 63), Jiru. Ogohlantirish: Belerin (32), Kuk (44), Remzi (45), Mustafi (80), Boruts (86). Chetlatish: Frensis (82).
— deya xabar beradi uff.uz nashri.