Xames Rodrigez “Real” bilan xayrlashishga yaqin va uning navbatdagi manzili katta ehtimol bilan APL bo'ladi. Biz esa, Xames kabi o'zga klubga ko'chish borasida bosh qotirayotgan futbolchilar borasida so'z yuritamiz. Bastian Shvaynshtayger Klub: “Manchester Yunayted” Bahosi: 6,8 million funt Xaridorlar: “Chikago Faur”, “Marsel”, “Santos” Bastian Manchester klubiga 2015 yilda ko'chib o'tishga qaror qildi. “MYu” 30 yoshli tajribali nemisga yiliga 10 milliondan yuqori bo'lgan maosh taklif qildi. Bastian “MYu”ga sovrin yutish uchun o'tganini tasdiqladi. Boz ustiga, nemisning futbol uslubi va darajasi sobiq mankunianliklar ustozi Lui van Galga ayon edi. Butun murabbiylar shtabi va muxlislar uning transferini katta bayram sifatida qabul qildilar. Ammo osmon doim musaffo bo'lmaydi, deganidek Shvaynshtaygerning sobiq ustozi van Gal mavsum so'nggida vazifasidan ozod etildi va bosh murabbiy lavozimi Joze Mourinoga nasib etdi. Jozening odatiga ko'ra, uning har bir boshqargan jamoasida kamida bitta yulduz zaxiraga joylanishi kerak va Bastian bilan ham shunday bo'ldi. Avvallari Jozening qurbonlarini Iker Kasilyas va Kaka – “Real”, Maksvell – “Inter”, Mata – “Chelsi” kabi futbolchilar tashkil etishgandi. Bastian bir necha marotaba “MYu”da o'ynash orzusi ekanligini va hali ham o'ziga ishonchi yuqori ekanligini o'zining intervyularida aytib o'ydi. Ushbu holat “Bavariya” prezidenti Uli Xyonessni ham g'azabini keltirdi. “Bastian bilan sodir bo'layotgan holatlar aqlga sig'maydi va bu klub haqidagi holatlarni ochiq-oydin ta'riflaydi. Unga hattoki jamoa bilan mashg'ulot o'tkazishga ham ruxsat berishmayapti va unga xuddi moxovdek munosabatda bo'lishyapti. Bastian “Bavariya”da yuqori saviyada futbol namoyish etgan, u yaxshi yigit”. Yaqindagina Joze Shvaynshtaygerni rotatsiya tufayli jamoaga qaytardi va futbolchi bilan tez orada xayrlashish istagi borligini ma'lum qildi. Bastian ham unga berilgan kichik imkoniyatdan imkoni boricha foydalanib qolishga qarshi emas. Stefan Yovetich Klub: “Inter” Bahosi: 10 million funt Xaridorlar: “Fiorentina”, “Panatinaikos”, “Spartak” Chernogoriyalik Yovetich – o'smir futbolchilarga futbolda qanday faoliyat yuritmaslik uchun yaqqol misol. Barcha takliflarni detallar bilan tekshirib chiqish, pul uchun futbol o'ynamaslik va boshqa masalalarni o'rganib chiqish klub tanlashdan oldin o'ta muhim hisoblanadi. “Manchester Siti”da ishlar muvaffaqiyatli kechmadi. Yovetich ko'p hollarda zaxira futbolchisiga aylanib qoldi. Yosh forvard umuman olganda ishonchni oqlamadi. So'ngra, “Inter” futbolchiga xaridor bo'lib keldi. O'zining “Inter”dagi ilk mavsumida Yovetich 26 uchrashuvda ishtirok etdi va 6 marta raqiblar darvozasini ishg'ol qildi. Ushbu mavsumda Stefan kamdan-kam hollarda maydonga tushirilmoqda. Frank De Bur futbolchiga deyarli imkoniyat bermadi. Ammo Piolining jamoaga tashrifi bilan Yovetichda o'zini ko'rsatishi uchun hali imkon bo'ladi. “Calciomercato” nashrining tarqatishicha, bosh murabbiy jamoa rahbariyatidan futbolchini transferga qo'ymaslikni so'ragan, boisi mutaxassis Stefanga ishonishini ma'lum qilgan. Biroq transfer borasida so'z yuritadigan bo'lsak, “Fiorentina” va “Spartak” futbolchini o'z tarkibida ko'rishni istamoqdalar.  Davomi Penalti.uz da
— deya xabar beradi uff.uz nashri.