“Inter” klubi yarim himoyachisi Felipe Melo yaqin 24 soat ichida “Palmeyras” klubi a'zosiga aylanishi mumkin. Bu haqida Calciomercato portali xabar tarqatdi. Braziliyalik futbolchi 2015 yilning yozida “Galatasaroy”dan milanliklar safiga kelib qo'shilgandi, biroq na Frank de Bur, na Stefano Pioli qo'l ostida asosiy tarkibdan joy olmadi. Joriy mavsumda 33 yoshli futbolchi Italiya chempionatining atigi beshta bahsida maydonga tushgan.
— deya xabar beradi uff.uz nashri.