«Krasnodar» rahbariyati nihoyat, «Shanxay SIPG» klubi bilan O'zbekiston terma jamoasi futbolchisi Odil Ahmedovning transferi bo'yi­cha kelishuvga erishdi. Bu haqda Krasnodar jamoasi rasmiy veb-sahifasida xabar berildi. - Odil Ahmedov «shaharliklar» safiga 2014 yilning iyun oyida qo'shilgandi. U shundan buyon «qora-yashillar» tarkibida jami 101ta rasmiy o'yinda maydonga tushib, 7ta gol urdi va yana 13tasiga assistentlik qildi. Muhimi, Odil har bir o'yinda to'liq kuch bilan harakatlanishi, maydon markazining turli nuqtalarida aqlli va samarali o'ynay olishi evaziga jamoamiz muxlislari yoqimtoyiga aylandi. «Krasnodar» klubi Ahmedovga 2,5 yillik sifatli o'yini uchun alohida minnatdorchilik bildiradi va uning Xitoydagi faoliyati ham omadli chiqishiga tilakdoshdir. «Krasnodar» rahbariyati shuningdek, ushbu transferning amalga oshishida yordam ko'rsatgan Prosportmanagment agentligiga ham rahmat yo'llaydi,-deb yozildi saytda. «Shanxay SIPG» yoxud «Shanxay Telleys»ga kelsak, bu klub 2005 yili tuzilgan va mavsum-2013dan e'tiboran Xitoy super-ligasida ishtirok etmoqda. Klub  2005-2011 yillarda «Shanxay Dongya» va «Shanxay Isteysha», 2012-2014 yillarda esa  «Shanxay Telleys» nomi ostida o'ynagan. 2015 yilga kelib, uning nomi yana o'zgartirildi - «Shanxay SIPG». Jamoa 2009 yildan buyon raqiblarini «Shanxay» stadionida qabul qilmoqda. Shanxayliklar Xitoy chempionatida 2 marta sovrindor bo'lishgan - 2015 yili kumush va oxirgi mavsumda bronza medalini qo'lga kiritishdi. «Shanxay SIPG»ni portugaliyalik mashhur mutaxassis Andre Villash-Boash boshqarmoqda. Odil Ahmedov yangi klubida Janubiy koreyalik himoyachi Kim Yu Yon, argentinalik yarim himoyachi Dario Konka, braziliyalik Oskar va Xalk, ivuarlik Jan Kuassi bilan birga to'p suradi. Bilasiz, 2011 yilgi mavsumda «Paxtakor»dan Maxachqal'aning «Anji»siga transfer qilingan Odil Ahmedov 2016 yil yakuniga qadar Rossiya premer-ligasida to'p surdi. O'z nav­batida, «Anji» O'zbekiston milliy jamoasi sardorini «Krasnodar»ga pullagandi. Mana, krasnodarliklar etakchi futbolchimizni yanada qimmatroq narx - 7 million evroga sotdi. Sir emas, Odil ortda qolgan shu yillar davomida bir qator mashhur futbolchilar bilan elkama-elka to'p surdi. Shanxayda uni yana-da taniqli yulduzlar bilan hamkorlik kutib turibdi. Umuman, Ahmedov hozirga qadar Rossiyada quyidagi mashhur futbolchilar bilan bitta jamoa sharafini himoya qildi: Davomi iff.uz saytida.
— deya xabar beradi uff.uz nashri.