Yurtimizda keng nishonlanadigan - Vatan himoyachiari kuni ham yaqinlashib kelmoqda. Shu munosabat bilan biz bugun biz "armiyachi" jamoalar haqida hikoya etamiz. “Al-Jaish”(Qatar) Hamyurtimiz Sardor Rashidov faoliyat yuritib kelayotgan “Al-Jaish” Qatar Qurolli kuchlari tasarrufidagi jamoa sanaladi. Jamoa 2007-yilda tashkil etilgan bo'lsada, nafaqat Qatarda, balki Osiyoda ham o'z o'rniga ega bo'lib bormoqda. Bu klub Germaniyaning “Shalke-04” jamoasi bilan hamkorlikni yo'lga qo'yganini e'tirof etish joiz.  “Gonved”(Vengriya) 1909-yilda tashkil etilgan jamoa 1949-yildan e'tiboran Vengriya Mudofa Vazirligiga qarashli hisoblanadi. “Gonved” so'zi ham aynan “Vatan himoyachilari” degan ma'noni anglatadi. Bugungi kunda esa jamoa o'rtamiyonalar qatorida zikr etiladi. “Dukla”(Chexiya) Klub o'z tarixida bir necha bor nomini o'zgartirgan bo'lib, sobiq Chexoslovakiya chempionatida zafar quchgani bilan maqtana oladi holos. Shuningdek uzoq 1966/67-yilgi mavsumda EChKda yarim finalga qadr etib borgan holda “Seltik” jamoasiga imkoniyatni boy berib turnrini tark etadi. “Legiya”(Polsha) “Legiya” 1957-yilga kelib “harbiylar” degan nomni oladi. Umuman jamoa Polshaning eng ko'zga ko'ringan klublaridan biridir. Masalan, o'tgan mavsumda jamoa Rossiyalik Stanislav Cherchesov boshchiligida mamlakat chemioniligini hamda kubogiga ega chiqishga muvaffaq bo'ldi. “SKA-Xabarovsk”(Rossiya) Uzoq sharq jamoasi 2-jaxon urushidan so'ng tashkil etilgan bo'lsada, biror marotaba oliy divizionda ishtirokj etmagan. Eng yaxshi natija sifatida 2012/13-yilgi mavsumda FNLdagi to'rtinchi o'rindir. Shuningdek, rus o'lkasida “SKA” nomi bilan atalgan boshqa shahar jamoalari ham mavjud. Bular, Yaroslavl hamda Sankt-Peterburg jamoalaridir. “MOIK”(Ozarbayjon) 1961-yil Bokuda tashkil etilgan jamoaning prezidenti mamlakat mudofa vaziri Safar Abievdir. 2001/02-yilgi mavsumda Ozarbayjon birinchi ligasida g'olib chiqib oliy ligaga yo'llanma olgan jamoa bugunda ham birinchi ligada “javlon urmoqda”. “TsSKA Moskva”(Rossiya) Rossiyaning amaldagi chempioni bo'lgan  jamoani bugungi kunda armiya bilan hech qanday a'loqasi yo'q. Biroq, Sobiq Ittifoq davrida Markaziy Harbiy Sport Klubining qurolli kuchlari tasarrufida bo'lgan. “TsSKA” nomidagi jamoalar etarlicha topiladi. Masalan Kiev, Sofiya hamda Dushanbe shaharlarida ham shu nomdagi jamoalar faoliyat yuritadi. “Avrora” (Gvatemala) 1945-yilda mamlakat qurolli kuchlar tasarrufida tashkil etilgan jamoa Gavatemaladagi eng sovrindor uchinchi jamoa hisoblanadi. Lekin, bu g'alabalarning barchasi o'tgan asrda qo'lga kiritilgandir. Maqolaning davomi penalti.uz saytida
— deya xabar beradi uff.uz nashri.