«Chelsi» klubi bosh murabbiyi Antonio Konte APL 20-turidan o'rin olgan «Tottenxem»ga qarshi kechadigan uchrashuv oldidan o'z fikrlari bilan o'rtoqlashdi va rekord haqida o'ylamayotganini aytib o'tdi. Agar londonlilar ushbu turda g'alaba qozonadigan bo'lsalar, ketma-ket g'alaba qozonish bo'yicha «Arsenal»ning ko'rsatkichini (14) takrorlaydilar. «Men va shogirdlarim rekord haqida o'ylamayapmiz, bizga faqat uch ochko kerak. Qaytaraman, rekordning bizga ahamiyatli tomoni: 13 g'alabadan so'ng 39 ochko to'pladik. Qolganni bizni qiziqtirmaydi. Endi nafaqat «Tottenxem», har bir jamoa g'alabali seriyamizga chek qo'yishga urinadi. Agar turnir jadvaliga e'tibor qilsangiz, biz ikkinchi o'rindagi «Liverpul»dan bor yo'g'i 5 ochko, «Manchester Siti»dan esa 7 ochko oldindamiz. Ushbu chempionatda jiddiy raqobat mavjud, biz esa mavsum ikkinchi yarmining birinchi uchrashuvini o'tkazamiz. Tushunib turibmiz, bizni «Tottenxem»ga qarshi qiyin o'yin kutib turibdi. Agar g'alaba qozonadigan bo'lsak «Liverpul»ni 8 ochkoga ortta qoldiramiz va bu biz uchun qoniqarli natija bo'lar edi, ammo bu chumpionatda istalgan uchrashuvda ochko yo'qotish mumkin», — deydi Konte.
— deya xabar beradi uff.uz nashri.