“Nasaf” bu yilgi OChL musobaqasini o'tish bosqichidan boshlashidan xabaringiz bor. Ya'ni, klubimiz mamlakatimiz futbol klublari orasida yangi futbol mavsumini ertaroq boshlaydi. Jamoamiz 31 yanvar kuni Osiyo chempionlar ligasining o'tish bosqichida Baxraynning “Al-Hidd” jamoasini qabul qiladi. Uchrashuv “Bunyodkor” stadionida soat 16:00da boshlanadi. Baxrayn mamlakati jamoalari yurtimiz futbol klublari bilan juda kam uchrashuv o'tkazishgan. Bu bilan ushbu mamlakat futbol jamoalari bizga unchalik ma'lum emas. Aniq qilib aytadigan bo'lsak, ma'lumotlar kam. Biz quyida bo'lajak raqibimiz haqida umumiy ma'lumotlarni e'tiboringizga havola qilayapmiz. Klubning to'liq nomi: “Al-Hidd” sport va madaniyat klubi AL HIDD (BHR) Klub rahbari: Axmad Salmon Almusallam Shahar: Muxarraq shahri, Baxrayn Tashkil etilgan yili: 1945 yil Stadioni: Baxrayn milliy stadioni, Al-Rifa shahri, sig'imi 35580 o'rin Bosh murabbiyi: Iso Alhamdani (Baxrayn) Musobaqa: Bahrayn premer-ligasi (10 ta jamoa) Laqabi: “Tsunami” Bahrayn premer-ligasi 1952 yili tashkil etilgan va kuz-bahor tizimida o'tkaziladi. Ligada jami 10ta jamoa ishtirok etadi. Oxirgi o'rinni egallagan jamoa 1-ligaga tushib ketadi. Amaldagi mamlakat chempioni “Al-Hidd” klubi hisoblanadi. “Al-Hidd” futbol klubi 1945 yilda tashkil etilgan. O'tgan 2014/15 yilgi Baxrayn premer-ligasida  o'z tarixidagi ilk chempionlikni nishonlagan. Bu yilgi mavsumda 9ta o'yin o'tkazib, turnir jadvalini 7-pog'onasini band etib turibdi. Bo'lib o'tgan 9 uchrashuvning ikkitasida g'alaba, 4 uchrashuvda durang va uch uchrashuvda mag'lubiyatga uchragan. Raqiblari darvozasini 8 marta ishg'ol qilib, o'z darvozalaridan 10ta to'p olib chiqishgan. Ayni paytda Baxraynda kubok bahslari bo'lib o'tmoqda. Raqibimiz dekabr oyida jami 4ta uchrashuvda maydonga tushdi. Shulardan 2tasi Baxrayn premer ligasi uchrashuvi bo'lsa, qolgan 2tasi Baxrayn kubogi uchrashuvlaridir. Premer liga uchrashuvlarining ikkalasida ham mag'lubiyatga uchragan “Al-Hidd” klubi, kubok bahslarining birida 4:0 hisobida g'alaba qozondi. 30 dekabr kuni bo'lib o'tgan “Manama klub” jamoasi bilan bo'lgan uchrashuvda esa yirik 5:0 hisobida mag'lub bo'ldi. “Al-Hidd” klubi navbatdagi rasmiy uchrashuvni 5 yanvar kuni “Najma Manama” klubi bilan o'tkazadi. Bu uchrashuv Baxrayn Futbol Assosatsiyasi Kubogi doirasida bo'ladi. “Al-Hidd” jamoasi tarkibida mahalliy futbolchilar bilan birgalikda legioner futbolchilar ham faoliyat yuritadi. Davralar oralig'ida raqibimiz tarkibida o'zgarishlar yuzaga kelishi ham mumkin. Lekin hozircha jamoa tarkibida uch nafar nigeriyalik va bir nafar iordaniyalik legioner futbolchilar bor. Bular,  Efidayo Omasui, Uche Agba, Okarandut Orok, Muhammad Aldovudlardir. “Al-Hidd” klubining ikki o'yinchisi Baxrayn terma jamoasi sharafini ham himoya qilishadi. Bular darvozabon - Abbos Ahmad, hujumchi – Abdulvahob Almaludlardir. Raqibimiz tarkibi haqidagi  to'liq ma'lumotni keyinroq e'tiboringizga havola qilamiz.
— deya xabar beradi uff.uz nashri.