Jamoamizning yangi mavsum tayyorgarligi doirasidagi ikkinchi yig'ini boshlandi.
Bugungi mashg'ulotlarda 19 nafar futbolchi ishtirok etdi. Dekabr oyida o'tkazilgan ilk yig'in yakunida bir qator futbolchilarga javob berilgandi. Tarkib o'zgarishlari bu yig'in arafasida ham davom etdi. Doniyor Ismoilov Bekobodning "Metallurg" jamoasiga o'tgan bo'lsa, qozog'istonlik Temirlan Erlanovga javob berildi. Jamoa safiga jarohatdan forig' bo'lgan Roman Abdulov, o'tgan mavsumni "Buxoro"da o'tkazgan Shavkat Mullajonov va Kamoliddin Murzoev hamda "Navbahor"dan Qahramon Muhamedjonovlar qo'shilishdi.
2016 yil mavsumida jamoamiz sharafini himoya qilgan Umid Xonimqulov, Akmal Ortiqov, Nikita Shkvirin, Evgeniy Gogol, Saidkomil Akbarov, Oybek Nurboev, Hasan Asqarov, Sunnatilla Abdullajonov, Doston Abdurahmonov, Zohir Pirimov, Otabek Valijonov, Arslonmurod Omonov, Yahyo Ro'ziev, Mo'ydin Mamazulumovlarning shartnomasi yakuniga etdi. O'tgan yillar davomida "Olmaliq" tarkibida faoliyat yuritgan futbolchilar jamoa rahbariyati o'z minnatdorchiligini bildiradi va ularning kelgusi ishlarida omad tilaydi.
— deya xabar beradi uff.uz nashri.