"Inter" klubining argentinalik yarim himoyachisi Ever Banega o'z faoliyatini Xitoyda davom ettirishi mumkin. Futbolchining agenti Xitoydan bir nechta taklif borligini aytib o'tgan. Xabar qilinishicha, 28 yoshli futbolchi o'z faoliyatini Osiyoda davom ettirish uchun, milanliklar safini tark etishga tayyor. "Biz "Beytszin Goan" va "Xebey Chayna Forchun" klublaridan taklif oldik. O'ylaymanki, Banega "Inter"ni tark etadi", – deydi futbolchining agenti. Argentinalik yarim himoyachi "Inter" safiga 2016 yilning yozida kelgan edi. U Italiya chempionatida 15 o'yin o'tkazib, 2 gol va 3 ta golli uzatmaga mualliflik qilgan.
— deya xabar beradi uff.uz nashri.