«Bavariya» klubi bosh murabbiyi Karlo Anchelotti Arturo Vidalning «Chelsi»ga ketishi borasidagi gap-so'zlarga o'z munosabatini bildirdi. «Vidal «Bavariya»dan «Chelsi»ga o'tadi? Bu mantiqsiz va bo'lmagan gap», – deya Anchelotti so'zlarini keltirmoqda Mirror nashri. Avvalroq, Vidalning myunxenliklar safini tark etish va «Yuventus»da birga ishlagan ustozi Antonio Konte bilan «Chelsi»da o'z faoliyatini davom ettirish niyati borligi aytilgan edi. Londonliklar esa yarim himoyachi uchun 50 mln earodan voz kechishga tayyorlar. Vidal 2015 yilda «Yuventus»dan «Bavariya» safiga o'tgan. Ushbu mavsumda u 20 ta o'yin o'tkazib ikki golga mualliflik qilgan.
— deya xabar beradi uff.uz nashri.