Bugun bo'lib o'tgan “Mash'al” – “Paxtakor” (1:2) uchrashuvidan so'ng matbuot anjumanining ikkinchi qismida mezbonlar bosh murabbiyi Aleksandr Xomyakov ishtirok etdi va savollarga javob qaytardi.
“Har qancha harakat qilmaylik raqibdan ochko ololmadik. Yigitlarim ajoyib o'ynashdi. Birinchi bo'limda atayin ustunlikni raqibga berdik va qarshi hujumda o'ynashga urindik. Biroq bizga sovuqqonlik etishmadi. Raqibning oldingi uchrashuvlariga qarab, o'yinlarini ko'rib shunga munosib taktik o'yin olib bordik. Bizda buni tashkil etishda kuch etmay qoldi. Paslar xato bo'laverdi. Ikkinchi bo'limda ham himoyada o'ynadik. Afsuski kerak bo'lmagan gollar o'tkazib yubordik. O'yinda harakatlarimiz o'xshamadi. Har ikki bo'limga qo'shilgan daqiqalar raqib foydasiga ishladi. Raqibni g'alaba bilan tabriklayman”, – deydi Aleksandr Xomyakov.
— deya xabar beradi uff.uz nashri.