«Qo'qon-1912»ning ikkinchi yig'ini 3 yanvar kuni boshlangani haqida xabar berib o'tgandik. Toshkentda davom etayotgan yig'inda futbolchilar kuniga ikki mahal mashg'ulot o'tkazishmoqda.
2016 yilgi mavsumda “So'g'diyona” sharafini himoya qilgan Akmal Xolmurodov “Qo'qon-1912” yig'iniga kelib qo'shildi. Toshkentdagi yig'inda safga Javohir Sidiqov ham kelib qo'shildi. O'tgan mavsum kashfiyotlaridan biri sifatidi e'tirof etilgan ushbu yosh futbolchi joriy yilda ham “Qo'qon-1912” jamoasi sharafini himoya qiladigan bo'ldi.
«Qo'qon-1912» 8 yanvar kuni 2017 yildagi birinchi o'rtoqlik uchrashuvini o'tkazadi. Yakshanba kuni Qibrayda bo'lib o'tadigan o'yindagi raqib – “Paxtakor” jamoasi bo'ladi. Ushbu bahs soat 12:00da boshlanishi ko'zda tutilgan.
— deya xabar beradi uff.uz nashri.