Madridning "Real" klubi bosh murabbiyi Zinedin Zidan yarim himoyachi Xames Rodrigesning "Sevilya"ga qarshi o'tkazgan o'yinidan mamnunligini bildirdi.
"Xames juda yaxshi ishladi va ikkita gol urib, ajoyib o'yin namoyish qildi. U maydonda muhim ahamiyat kasb etdi.
Xuddi shu so'zni jamoadagi har bir futbolchi haqida aytishim mumkin. Xamesning o'yinidan xursandman", - deydi Zidan.
Eslatib o'tamiz, Rodrigesning o'zi o'yindan so'ng "Real"dan ketmasligini bildirgan edi. Yarim himoyachi joriy mavsum Ispaniya chempionatida 8 uchrashuvda maydonga tushib, 4 tasini asosiy tarkibda boshladi va 1 ta gol urib, ikkita golli uzatmani amalga oshirgan.
— deya xabar beradi uff.uz nashri.