“Bunyodkor” – “Andijon” uchrashuvidan keyingi matbuot anjumanining ikkinchi qismida “qaldirg'ochlar” ustozi Baxtiyor Boboev ishtirok etdi.
- Uchrashuvning birinchi bo'limi biz uchun qiyin kechdi. O'yinoldi rejalarimiz dastlabki bo'limda o'xshamadi. Menga “Andijon” jamoasi yoqdi. Ular yaxshi harakat qilishdi. Hatto tanaffusga chiqish paytida xavotirga ham tushgandim. Biroq ikkinchi bo'limda o'zimizga keldik va kerakli natijani qo'lga kiritdik. “Andijon” markaziy himoyada zichlik tashkil etgani bois, o'zimizni o'zgartirib, qanotlardan hujumlar uyushtirish rejasiga o'tdik. Bu esa samara berdi. Hali yana o'yinlar bor. Mavsum oxirigacha yaxshi vaziyatda o'yin ko'rsatishga harakat qilamiz. Samir Bekrich juda mahoratli va tajribali futbolchi. Biroq u o'ynaydigan pozitsiyada to'p tepayotgan boshqa futbolchilar bizni qoniqtirmoqda. Shuningdek, kelajak uchun bu joyga yosh futbolchilarga imkon beryapmiz. Bugun klubimizning chempionat doirasidagi 500-yubiley golini urganligi bilan Dostonbek Hamdamovni tabriklayman, - deydi Baxtiyor Melievich.
— deya xabar beradi uff.uz nashri.