Bekobodning “Metallurg” jamoasi Yangi yil bayramidan qaytdi va ikkinchi yig'inni ham Chirchiq shahrida davom ettirmoqda. Futbolchilar har kuni ikki mahaldan mashg'ulotlarda ishtirok etishayapti va jismoniy tayyorgarlikni tiklash jarayonini katta e'tibor qaratilmoqda. Mashg'ulotlar “Kimyogar” stadionida olib borilyapti. Shanba kuniga murabbiylar shtabi jamoaning asosiy vav yoshlar tarkiblarini uyg'unlashtirgan holda o'zaro o'yin o'tkazishni rejalashtirmoqda. 13 yanvar kuni “Metallurg” futbolchilari tibbiy ko'rikdan o'tadi. Ertasi kuni esa poytaxtimizda o'quv-mashg'ulot yig'inini o'tkazayotgan “Qo'qon 1912” jamoasiga qarshi nazorat uchrashuvi rejalashtirilyapti.   Jamoa tarkibida ba'zi yangilanishlar bo'lishi kutilmoqda. Ayni paytda klub yarim himoyachilaridan biri Jahongir Abdumo'minov Tailand jamoalaridan birida ko'rikdan o'tayotganligini ma'lum qilgandik. Jamoa ta'tildan qaytgach “Metallurg” mashg'ulotlariga uch nafar yangi o'yinchi kelib qo'shildi. Bular “Olmaliq” hujumchisi Doniyor Ismoilov, “Qo'qon 1912” himoyachisi Dostonbek Tursunov hamda “Qizilqum”, “Paxtakor” hamda “Qo'qon 1912” jamoalaridagi faoliyati orqali yaxshi tanish bo'lgan hujumchi Navro'zbek Alimovlardir. O'z navbatida bugun jamoa mashg'ulotlariga Kopadzelar sulolasining kenja vakili Kamronbek Kopadzening ham kelib qo'shilishi kutilyapti.
— deya xabar beradi uff.uz nashri.