Angliya futbol assotsiatsiyasi (FA) “Manchester Siti” jamoasi yarim himoyachisi Fernandinoning “Byornli”ga qarshi (2:1) APL 20-turida olgan qizil kartochkasini bekor qilmaslikka qaror qildi. Braziliyalik futbolchi “Byornli” bilan o'yinning 32-daqiqasida Yoxann Gudmundsonga qarshi qo'pol o'ynadi va hakam tomonidan chetlatildi. Fernandino shu tariqa “Vest Xem”ga qarshi Angliya Kubogida, “Everton”, “Tottenxem” va “Vest Xem”ga qarshi APL o'yinlarida maydonga tusha olmaydi. Joriy mavsumda Fernandino ikkinchi bor qizil kartochka oldi. O'sha qizil “Chelsi” bilan (1:3) o'yinda ko'rsatilgandi. 
— deya xabar beradi uff.uz nashri.