Yangi mavsumga tayyorgarlik ko'rayotgan Toshkentning "Lokomotiv" klubi o'z safiga ikki nafar yangi futbolchini qo'shib oldi.
O'zbekiston milliy terma jamoasi, shuningdek Qarshining "Nasaf" klubi a'zosi Shuhrat Muhammadiev hamda "Olmaliq" yarim himoyachisi Diyor Turopov rasman "Lokomotiv" klubi bilan shartnoma imzolashdi.
"Lokomotiv" klubi rasmiy sayti Muhammadiev 14 hamda, Turopov 77-raqamlarda to'p surishini tasdiqladi.
Eslatib o'tamiz, Shuhrat Muhammadiev o'tgan mavsumda Qarshining "Nasaf" klubi safida bronza medallarga sazovor bo'lgan. Iste'dodli yarim himoyachi O'zbekiston milliy terma jamoasi safida bir nechta o'yinlarda ishtirok etgan va ayni damda ham terma jamoaga nomzod futbolchi sanaladi.
Diyor Turopov so'nggi bir necha mavsumni "Olmaliq" safida o'tkazdi. Qolaversa, yarim himoyachi O'zbekiston yoshlar va olimpiya terma jamoalarida muntazam maydonga tushib kelgan.
— deya xabar beradi uff.uz nashri.